Azərbaycan UNESCO-nun dörd yardımçı qurumuna üzv seçilmişdir

Noyabrın 4-də UNESCO Baş Konfransının 36-cı sessiyası çərçivəsində təşkilatın yardımçı qurumlarına seçkilər keçirilmişdir. Azərbaycan qurumun nəzdində fəaliyyət göstərən Beynəlxalq Hidroloji və Kommunikasiyanın inkişafı üzrə beynəlxalq proqramların hökumətlərarası şuralarına, habelə Fiziki təhsil və İdman üzrə Hökumətlərarası Komitəyə yekdilliklə dörd illik müddətə üzv seçilmişdir. Eyni zamanda, Azərbaycan gərgin mübarizə şəraitində keçən seçkilərdə UNESCO-nun "Qeyri-qanuni mənimsənilən mədəni mülkiyyətin restitusiyası və mənsub ölkəyə qaytarılmasının təşviq edilməsi" üzrə Hökumətlərarası Komitəyə səs çoxluğu ilə seçilmişdir.

AzərTAc

Azərbaycan.- 2011.- 5 noyabr.- S. 1.