ABŞ-ın və Azərbaycanın hərbi dəniz qüvvələri arasında əməkdaşlıq məsələləri müzakirə olunmuşdur

Azərbaycan Respublikasının müdafiə naziri general-polkovnik Səfər Əbiyev noyabrın 21-də ABŞ-ın Hərbi Dəniz Qüvvələrinin komandanı Rey Mabusla görüşmüşdür.

Müdafiə Nazirliyinin mətbuat xidmətindən AzərTAc-a bildirmişlər ki, Səfər Əbiyev ABŞ-ın və Azərbaycanın hərbi dəniz qüvvələri arasında əlaqələrin mövcud durumundan danışmışdır. Rey Mabus səfərinin ABŞ-ın Azərbaycana verdiyi əhəmiyyətin tərkib hissəsi kimi qiymətləndirməyin vacibliyini vurğulamışdır.

ABŞ-ın Azərbaycandakı səfiri Mətyu Brayzənin də iştirak etdiyi görüşdə regiondakı vəziyyət, Ermənistan-Azərbaycan, Dağlıq Qarabağ münaqişəsi ətrafında fikir mübadiləsi aparılmışdır.

Azərbaycan.- 2011.- 22 noyabr.- S. 2.