«Hər bir istehlakçı öz hüquqlarını bilməlidir»

mövzusunda seminar keçirilmişdir

Bakı Dövlət Universitetində İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin təşkilatçılığı ilə "Hər bir istehlakçı öz hüquqlarını bilməlidir" mövzusunda növbəti seminar keçirilmişdir.

Nazirliyin mətbuat xidmətindən bildirmişlər ki, Dövlət Xidməti rəisinin müavini Araz Əliyev istehlakçıların hüquqlarının qorunması sahəsində mövcud qanunvericilik və bu sahədə görülən işlər barədə məlumat vermişdir. Qeyd edilmişdir ki, Azərbaycanda istehlakçı hüquqlarının müdafiəsi sahəsində dövlət siyasətinin əsası ümummilli liderimiz Heydər Əliyev tərəfindən qoyulmuşdur. Bu sahəni tənzimləyən bir sıra normativ hüquqi aktlar qəbul olunmuş, ölkəmizdə istehlakçıların hüquqlarının müdafiəsinin etibarlı təminat sistemi yaradılmışdır.

Dövlət Xidmətinin şöbə müdiri Zahid Şərifov "Hər bir istehlakçı öz hüquqlarını bilməlidir" mövzusunda məruzə ilə çıxış edərək, istehlakçı hüquqları barədə ətraflı məlumat vermiş, bu sahədə dövlət orqanları ilə istehlakçılar arasında əlaqələrin genişləndirilməsinin vacibliyini qeyd etmişdir.

Tədbirdə ali təhsil müəssisəsinin 200-dən artıq müəllim və tələbəsi iştirak etmişdir.

AzərTAc

Azərbaycan.- 2011.- 26 noyabr.- S.5.