Gənclər təşkilatları anlaşma memorandumu imzalamışlar

"İrəli" İctimai Birliyinin (İB) ofisində "AIESEC Azərbaycan"ın idarə heyətinin üzvləri ilə keçirilmiş görüşdə əməkdaşlıq məsələləri müzakirə olunmuşdur.

Qurumun mətbuat xidmətindən AzərTAc-a verilən məlumata görə, görüşdə "AIESEC Azərbaycan"ın prezidenti Aleks Apetrei və "İrəli" İB-in baş katibi Rauf Mərdiyev anlaşma memorandumu imzalamışlar.

Görüş iştirakçıları gənclərin təcrübə və biliklərinin artırılmasında, beynəlxalq əlaqələrin qurulmasında əməkdaşlığın vacibliyini vurğulamışlar.

Tədbirdə bildirilmişdir ki, memorandum qarşılıqlı və birgə təşəbbüslər əsasında layihələrin planlaşdırılması və həyata keçirilməsinə imkan yaradacaqdır.

Azərbaycan.- 2011.- 8 oktyabr.- S. 3.