Azərbaycan ilə Türkiyə arasında beynəlxalq təşkilatlar çərçivəsində əməkdaşlıq məsələləri müzakirə edilmişdir

Oktyabrın 17-də Azərbaycanın xarici işlər naziri Elmar Məmmədyarov ölkəmizdə səfərdə olan Türkiyə xarici işlər nazirinin müşaviri Fatih Ceylan ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə Azərbaycan-Türkiyə münasibətləri, dünyada və regionda cərəyan edən proseslər barədə fikir mübadiləsi aparılmışdır. Eyni zamanda, regionda həyata keçirilən enerji layihələri müzakirə edilmişdir.

E.Məmmədyarov, həmçinin Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində danışıqların hazırkı vəziyyəti haqqında qonağa məlumat vermişdir.

Görüşdə beynəlxalq təşkilatlar çərçivəsində əməkdaşlıq və qarşılıqlı maraq doğuran bir sıra məsələlər ətrafında fikir mübadiləsi aparılmışdır.

Azərbaycan.- 2011.- 18 oktyabr.- S. 4.