Azərbaycanın və Ukraynanın Daxili Qoşunları arasında əməkdaşlığın perspektivləri müzakirə edilmişdir

Azərbaycanda səfərdə olan Ukraynanın Daxili Qoşunlarının komandanı, general-leytenant Sergey Yarovoyun başçılıq etdiyi nümayəndə heyəti oktyabrın 20-də Daxili İşlər Nazirliyinin Daxili Qoşunlarının Baş İdarəsində olmuşdur.

Ukraynalı qonağın baş idarədə təntənəli qarşılanma mərasimi olmuşdur.

Sergey Yarovoy Daxili Qoşunların Baş İdarəsinin Şərəf kitabına ürək sözlərini yazmışdır.

Sergey Yarovoy Daxili Qoşunların komandanı, general-leytenant Zakir Həsənovla görüşmüşdür.

Zakir Həsənov Daxili Qoşunların xidməti döyüş fəaliyyəti, keçdiyi döyüş yolu barədə qonağa ətraflı məlumat vermişdir.

Görüşdə Azərbaycan ilə Ukraynanın müvafiq qurumları arasında əməkdaşlıq, təcrübə mübadiləsi, qarşılıqlı səfərlərin əhəmiyyəti və s. məsələlər müzakirə olunmuşdur.

Azərbaycan.- 2011.-21 oktyabr.- S. 3.