Azərbaycan ilə İran arasında əlaqələr və regional təhlükəsizlik məsələləri müzakirə olunmuşdur

Oktyabrın 22-də Azərbaycan Respublikasına işgüzar səfərə gələn İran İslam Respublikasının müdafiə naziri, general-mayor Əhməd Vəhidi Azərbaycanın müdafiə naziri, general-polkovnik Səfər Əbiyev ilə görüşmüşdür.

Müdafiə Nazirliyinin mətbuat xidmətindən AzərTAc-a bildirmişlər ki, görüşdə iki ölkə arasında əlaqələr, regional təhlükəsizlik məsələləri və Ermənistan-Azərbaycan, Dağlıq Qarabağ münaqişəsi ilə bağlı fikir mübadiləsi aparılmışdır.

Nazir Səfər Əbiyev münaqişə ilə bağlı danışıqların davam etdiyini və bununla paralel surətdə Azərbaycanın öz ordusunu gücləndirərək torpaqlarının hər an işğaldan azad etməyə hazır olmağının vacibliyini bildirmişdir.

Azərbaycan.- 2011.-23 oktyabr.- S. 3.