Azərbaycan Respublikasında Dövlət Avtomatlaşdırılmış «Seçkilər» İnformasiya Sisteminin yaradılması haqqında» Azərbaycan Respublikası Prezidentinin 2000-ci il 3 sentyabr tarixli 528 nömrəli Sərəncamında dəyişiklik edilməsi barədə

Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan Respublikasında seçkilərin informasiya təminatını daha da təkmilləşdirmək məqsədi ilə qərara alıram:

1. "Azərbaycan Respublikasında Dövlət Avtomatlaşdırılmış "Seçkilər" İnformasiya Sisteminin yaradılması haqqında" Azərbaycan Respublikası Prezidentinin 2000-ci il 3 sentyabr tarixli 528 nömrəli Sərəncamının (Azərbaycan Respublikasının Qanunvericilik Toplusu, 2000, № 9, maddə 671) 2-ci hissəsinin 1-ci bəndindən "öz nəzdində" sözləri çıxarılsın.

2. Azərbaycan Respublikasının Mərkəzi Seçki Komissiyasına təklif edilsin ki, nəzdində olan İnformasiya Mərkəzinin Komissiyanın Katibliyinin tərkibinə keçirilməsi ilə bağlı müvafiq tədbirlər görsün.

3. Azərbaycan Respublikası Mərkəzi Seçki Komissiyasının nəzdində olan İnformasiya Mərkəzi həmin Komissiyanın Katibliyinin tərkibinə daxil edildikdən sonra Azərbaycan Respublikasının Nazirlər Kabineti bu sərəncamdan irəli gələn məsələləri həll etsin.

İlham ƏLİYEV,

Azərbaycan Respublikasının Prezidenti

Bakı şəhəri, 26 oktyabr 2011-ci il

Azərbaycan.- 2011.- 29 oktyabr.- S. 2.