ADA-nın Kitab Mərkəzində uşaqlar üçün filmin nümayişi keçirilmişdir

AzərTAc xəbər verir ki, Azərbaycan Diplomatik Akademiyasının (ADA) Kitab Mərkəzi 3-6 yaşlı uşaqlar üçün məşhur "Maşınlar" cizgi filminin nümayişini keçirmişdir.

Qeyd olunmuşdur ki, son illərin ən uğurlu layihələrindən olan bu cizgi film iki dəfə "Oskar" mükafatına namizəd göstərilmişdir.

Əlliyədək uşağın iştirak etdiyi tədbirdə onlara qadağanedici yol işarələri, fəal hərəkəti olan nəqliyyat dəhlizlərində davranış qaydaları barədə ətraflı məlumat verilmişdir. Zehni inkişaf etdirən oyunlar da təşkil olunmuşdur.

Tədbirdə fidan balaların valideynləri, ADA-nın əməkdaşları da iştirak etmişlər.

Azərbaycan.-2011.-18 sentyabr.-S.7.