Azərbaycan Konstitusiya Məhkəməsinin sədri Ukraynada beynəlxalq konfransın işində iştirak edir

Sentyabrın 16-da Ukrayna paytaxtında bu ölkənin Avropa Şurasının Nazirlər Komitəsində sədrliyi çərçivəsində "İnsan hüquqlarının konstitusiya ədliyyə orqanları tərəfindən müdafiəsi: fərdi müraciət imkanları və problemlər" mövzusunda beynəlxalq konfrans işə başlamışdır. Tədbir Avropa Şurasının Venetsiya Komissiyası və Alman Beynəlxalq Hüquqi Əməkdaşlıq Fondu tərəfindən birgə təşkil edilmişdir.

Bu nüfuzlu forumda Azərbaycan Konstitusiya Məhkəməsinin sədri Fərhad Abdullayev də iştirak edir.

Ukrayna Konstitusiya Məhkəməsinin sədri Anatoli Qolovin tədbiri açaraq bu konfransın təşkilinin dəstəklənməsinə görə, dövlət rəhbərliyinə - şəxsən Ukrayna Prezidentinə, ölkə parlamentinə, Nazirlər Kabinetinə, habelə "Köhnə tərəfdaşlar və həmkarlar olan Venetsiya Komissiyasının, Alman Əməkdaşlıq Fondunun və ATƏT-in üzvlərinə" təşəkkür etmişdir.

Zeynal AĞAZADƏ,

AzərTAc-ın xüsusi müxbiri

Azərbaycan.- 2011.- 17 sentyabr.- S. 7.