Taner Yıldız: "Azərbaycanda həm neft, həm də təbii qaz mənbələri getdikcə daha da çoxalır"

Türkiyənin enerji və təbii sərvətlər naziri Taner Yıldız Azərbaycan-Türkiyə hökumətlərarası birgə komissiyasının VI iclasında bildirmişdir ki, komissiyanın əsas hədəfi təkcə enerji sahəsində deyil, nəqliyyat, turizm, təhsil, səhiyyə sahələrində də qarşılıqlı işbirliyini daha da inkişaf etdirməkdir.

AzərTAc xəbər verir ki, Taner Yıldız səfər çərçivəsində energetika sahəsində əməkdaşlıq, "Şahdəniz-2", eləcə də digər layihələrin həyata keçirilməsi ilə bağlı müzakirələrin aparıldığını söyləmişdir. "Azərbaycanda həm neft, həm də təbii qaz mənbələri getdikcə daha da çoxalır", - deyən nazir bunun sevindirici xəbər olduğunu diqqətə çatdırmışdır. Qeyd etmişdir ki, bu ehtiyatlar nə qədər çox olarsa, ölkənin inkişafı daha sürətli, xalqın rifah halı da bir o qədər yüksək olacaqdır. Bu da hamımızın qazancıdır.

Azərbaycan.- 2011.- 25 yanvar.- S. 4.