Milli Kitabxanada sərgi-təqdimat
Milli Kitabxanada Mədəniyyət
və Turizm Nazirliyinin yaranmasının 5 illik fəaliyyəti
ərzində nəşr etdirdiyi çap məhsullarının
sərgisi və 3 dildə çap olunan "Mədəniyyət"
kataloqunun 4-cü sayı, həmçinin "Bizim nəşrlər"
kataloqunun sərgi-təqdimatı keçirildi. Sərgidə
təqdim edilən kitabların əksəriyyəti, demək
olar ki, mədəniyyət, incəsənət, ədəbiyyat,
mədəni irsin qorunması və turizm sahələrini əks
etdirirdi.
Tədbiri Milli Kitabxananın
direktoru Kərim Tahirov açdı. Sonra söz Mədəniyyət
və Turizm Nazirliyinin Nəşriyyat, reklamın təşkili
və informasiya şöbəsinin əməkdaşı
Hüsniyyə Səmədovaya verildi. O, nazirliyin xətti ilə
çapdan buraxılan kitabların əhəmiyyəti və
dünyanın bir çox məşhur mədəniyyət mərkəzlərinin,
məsələn,
Tədbirdə iştirak və
çıxış edən mədəniyyət və turizm
naziri Əbülfəs Qarayev Prezident İlham Əliyevin 30
yanvar 2006-cı il tarixdə ölkədə aparılan
islahatların davamı kimi mədəniyyət və turizm sahələrinin
idarə edilməsinin təkmilləşdirilməsi və onun
müasir tələblərə uyğun qurulması, səmərəliliyinin
artırılması zəruriliyini nəzərə alaraq, Mədəniyyət
və Turizm Nazirliyinin yaradılması haqqında
imzaladığı sərəncamın böyük əhəmiyyət
daşıdığını xatırlatdı. Nazir ötən
müddət ərzində nazirlik tərəfindən nəşr
edilən və dünya ədəbiyyatı xəzinəsini zənginləşdirən
kitabların əhəmiyyətindən geniş söz
açdı. Nazirliyin beşillik fəaliyyəti
dövründə nəşriyyat-poliqrafiya işində əsas
məqsədin xalqımızın tarixi və mədəniyyətini,
zəngin təbii və mədəni sərvətini
dünyaya çıxarmaqdan ibarət olduğu
vurğulandı. Mədəniyyət və Turizm Nazirliyi də
fəaliyyətə başladığı zamandan nəşriyyat
və poliqrafiya sahəsinin müasir tələblər səviyyəsində
inkişafı, oxucuların zəruri çap məhsullarına
olan tələbatının ödənilməsi
üçün bir sıra tədbirlər həyata
keçirib. Nazirlik tərəfindən indiyədək 200 adda
nəşrin latın qrafikalı əlifba ilə çapdan
buraxılaraq respublika kitabxanalarına paylanması, həmçinin
beynəlxalq sərgilərə çıxarılması məhz
mədəniyyət və incəsənətimizin
inkişafı ilə yanaşı, onun qorunub saxlanması, eləcə
də torpaqlarımıza göz dikən, vətənimizin 20
faiz ərazisini işğal altında saxlayan Ermənistanın
təcavüzkarlığı, vandalizm siyasətini davam etdirməsi
barədə dünya ictimaiyyətinə həqiqətin
olduğu kimi çatdırılması deməkdir.
Tədbir iştirakçılarının nəzərinə çatdırıldı ki, dövlət başçısı cənab İlham Əliyevin imzaladığı sərəncamdan sonra nəşriyyatlar bütünlüklə latın qrafikasına keçdi. Bundan sonra xalqımızın tarixinə, mədəniyyətinə, folkloruna, ədəbiyyatı və incəsənətinə həsr olunan 140 adda kitab beş dildə nəşr edildi. Heydər Əliyev Fondunun bu işdə xüsusi rol oynadığını bildirən nazirin sözlərinə görə, indiyədək bu xətlə 32 min nüsxə kitab nəşr etdirilərək dünya kitabxanalarının fonduna verilib.
Mədəniyyət və Turizm Nazirliyinin əməkdaşı Vaqif Bəhmənli, sənətşünas Ziyadxan Əliyev, "525-ci qəzet"in baş redaktoru Rəşad Məcid, "Təhsil" Nəşriyyat-Poliqrafiya Mərkəzinin direktoru Bəhruz Axundov, Qobustan Milli Tarix Bədii Qoruğunun direktoru Məlahət Fərəcovanın çıxışlarından dünya xalqlarının ədəbi nümunələrinin dilimizə çevrilməsi, mədəni hadisələrin qarşılıqlı mübadiləsi sahəsində əldə edilmiş nailiyyətlər barədə də müfəssəl məlumat alan tədbir iştirakçıları kitab sərgisi ilə yaxından tanış oldular.
Məhəmməd NƏRİMANOĞLU
Azərbaycan.- 2011.- 30 yanvar.- S. 5.