Niderland Kraliçası Floriade-2012 sərgisində Azərbaycan pavilyonunu ziyarət etmişdir

 

Aprelin 4-də Niderland Krallığının Venlo şəhərində "Floriade-2012" Beynəlxalq sərgisinin rəsmi açılış mərasimi keçirilmişdir.

Azərbaycan Respublikasının Ticarət və Sənaye Palatasından AzərTAc-a bildirmişlər ki, sərgidə 50-yə yaxın ölkə və onlarla beynəlxalq təşkilat iştirak edir.

Azərbaycan Respublikası da "Floriade-2012" sərgisində təmsil olunan ölkələr sırasındadır.

Sərgi şəhərciyinin mərkəzi küçəsində Azərbaycan Respublikasına 700 kvadratmetrdən artıq sahə ayrılmış və bu sahədə Ticarət və Sənaye Palatası tərəfindən öz füsunkarlığı ilə seçilən son dərəcə gözəl bir pavilyon qurulmuşdur.

Niderland Krallığında "Floriade" sərgisi on ildən bir keçirilir və Azərbaycan ilk dəfə olaraq bu sərgidə müstəqil pavilyonla təmsil olunur.

Təntənəli açılış mərasimindən sonra Niderland Kraliçası Beatriksonu müşayiət edən çoxsaylı rəsmi şəxslər özünəməxsusluğu və son dərəcə milli koloriti ilə seçilən Azərbaycan pavilyonunu ziyarət etmişlər.

Mədəniyyət və turizm nazirinin müavini Ədalət Vəliyev Kraliça Beatriksi Azərbaycan pavilyonunun önündə qarşılayaraq salamlamışdır. Kraliça ekspozisiya zalında Azərbaycanın tarixi keçmişi, bu günüperspektiv inkişafı ilə bağlı filmlə tanış olmuşdur.

Ziyarətin sonunda ali qonaq öz yüksək fikir və təəssüratını bölüşmüşdür.

"Floriade-2012" sərgisi 6 ay davam edəcək və sentyabrın 1-də Azərbaycan Respublikasının Milli Günü keçiriləcəkdir.

Azərbaycanın Niderland Krallığındakı səfiri Fuad İsgəndərov, Ticarət və Sənaye Palatasının vitse-prezidenti Mehman Əhmədov və digər rəsmi şəxslər Kraliçanın pavilyona ziyarəti  mərasimində iştirak etmişlər.

 

 

Azərbaycan.- 2012.- 5 aprel.- S. 4.