Budapeştdə Azərbaycan və Macarıstan arasında təhsil sahəsində əməkdaşlığın perspektivləri müzakirə olunmuşdur

Budapeştdə Azərbaycanlı Tələbələr və Məzunların Beynəlxalq Forumunun (ASAİF) "Mən gənc səfirəm" devizi altında keçirilən ikinci konfransı çərçivəsində Azərbaycan ilə Macarıstan arasında təhsil sahəsində əməkdaşlığın perspektivləri müzakirə olunmuşdur.

AzərTAc xəbər verir ki, görüşdə çıxış edən təhsil naziri Misir Mərdanov Azərbaycan dövlətinin bu sahəyə göstərdiyi yüksək diqqət və qayğıdan danışmışdır. Ölkəmizin təhsil sistemində əldə edilən uğurlardan danışan nazir gələcəkdə azərbaycanlı tələbələrin Macarıstanda təhsil almasının əhəmiyyətini vurğulamışdır.

Görüşdə Macarıstanın müxtəlif ali təhsil ocaqları barədə məlumat verilmişdir. Vurğulanmışdır ki, iki ölkə arasındakı münasibətlərin yüksək səviyyədə olması təhsil sahəsində də əməkdaşlığın genişlənməsinə və əlaqələrin dərinləşməsinə böyük töhfə verəcəkdir.

Azərbaycan.- 2012.- 8 aprel.- S. 4.