Azərbaycan-Braziliya əlaqələri yüksək səviyyədədir

Aprelin 9-da xarici işlər naziri Elmar Məmmədyarov Braziliyanın Azərbaycanda yeni təyin olunmuş səfiri Sergio Arruda ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, səfir S.Arruda etimadnaməsinin surətini nazir E.Məmmədyarova təqdim etmişdir.

Azərbaycan-Braziliya əlaqələrinin, həmçinin beynəlxalq təşkilatlar çərçivəsində əməkdaşlığının yüksək səviyyədə olduğunu qeyd edən E.Məmmədyarov diplomata fəaliyyətində uğurlar arzulamışdır.

Azərbaycanın xarici işlər naziri ölkələrimiz arasında müqavilə-hüquq bazasının genişləndirilməsinin vacibliyini də vurğulamışdır.

Azərbaycan ilə Braziliya arasında münasibətlərin artan templə inkişaf etdiyini qeyd edən səfir S.Arruda əlaqələrin daha da genişləndirilməsinin vacibliyini diqqətə çatdırmışdır.

AzərTAc

Azərbaycan.- 2012.- 10 aprel.- S. 5.