Azərbaycan Respublikasının Xarici İşlər Nazirliyi Gürcüstanın Tsxinvali regionunda - Cənubi Osetiyada keçirilmiş qondarma "prezident seçkiləri"ni tanımadığı barədə bəyanat yaymışdır

Azərbaycan Respublikasının Xarici İşlər Nazirliyi 2012-ci il aprelin 8-də Gürcüstanın Tsxinvali regionunda - Cənubi Osetiyada keçirilmiş qondarma "prezident seçkiləri" ilə bağlı bəyanat yaymışdır.

XİN-in mətbuat xidmətindən AzərTAc-a daxil olmuş bəyanatda deyilir ki, Azərbaycan Respublikasının Xarici İşlər Nazirliyi Gürcüstanın ərazi bütövlüyünü və suverenliyini qəti şəkildə dəstəklədiyini bir daha bildirərək Tsxinvalidə - Cənubi Osetiyada 2012-ci il aprelin 8-də keçirilmiş qondarma "prezident seçkiləri"ni tanımadığını bəyan edir.

Azərbaycan Respublikasının Xarici İşlər Nazirliyi münaqişənin mümkün həllini tapması üçün hazırkı danışıqlar prosesinin konstruktiv şəkildə davam etdirilməsinin vacibliyinə qətiyyətlə inanır.

Azərbaycan.- 2012.- 12 aprel.- S. 2.