Bolqarıstanın Baş naziri Boyko Borisov Azərbaycana rəsmi səfərə gəlmişdir

Bolqarıstan Respublikasının Baş naziri Boyko Borisov aprelin 26-da Azərbaycan Respublikasına rəsmi səfərə gəlmişdir.

Azərbaycanın və Bolqarıstanın dövlət bayraqlarının dalğalandığı Heydər Əliyev Beynəlxalq Aeroportunda hörmətli qonağın şərəfinə fəxri qarovul dəstəsi düzülmüşdü.

Bolqarıstan Respublikasının Baş nazirini Azərbaycan Respublikası Baş nazirinin müavini Abid Şərifov və digər rəsmi şəxslər qarşıladılar.

Bolqarıstanın və Azərbaycanın dövlət himnləri səsləndirildi.

Qarşılanma mərasimindən sonra Beynəlxalq Aeroportun ali qonaqlar üçün salonunda Boyko Borisov və Abid Şərifov arasında qısa protokol söhbəti oldu.

AzərTAc

Azərbaycan.- 2012.- 27 aprel.- S. 3.