Azərbaycanda keçiriləcək “Eurovision-2012” mahnı müsabiqəsi Avropa gənclərini bir araya gətirən mühüm mədəniyyət tədbiri olacaqdır

Azərbaycanda keçiriləcək "Eurovision-2012" mahnı müsabiqəsi Avropa gənclərini bir araya gətirən mühüm mədəniyyət tədbiri olacaqdır.

AzərTAc xəbər verir ki, bu sözləri Azərbaycan Respublikasının Prezidenti Administrasiyasının hüquq-mühafizə orqanları ilə iş şöbəsinin müdiri Fuad Ələsgərov Bakıda gənc hüquqşünasların beynəlxalq forumunun açılış mərasimindəki çıxışı zamanı demişdir.

Fuad Ələsgərov bildirmişdir ki, təkcə hüquqi və siyasi baxımdan deyil, zəngin irsi, qədim tarixi ilə Azərbaycan Avropa mədəniyyətinin ayrılmaz hissəsini təşkil edir. Gələn ay Bakıda keçiriləcək "Eurovision-2012" mahnı müsabiqəsi Avropa gənclərini bir araya gətirən mühüm mədəniyyət tədbiri olacaqdır.

Şöbə müdiri xüsusi vurğulamışdır ki, Azərbaycan bu gün regionun iqtisadiyyatı güclü olan aparıcı dövlətinə çevrilmişdir. Mühüm beynəlxalq iqtisadi və siyasi layihələrin təşəbbüskarı olan respublikamız həmçinin Avropanın təhlükəsizliyinin vacib təminatçılarından biri kimi çıxış edir. Azərbaycanın keçən il BMT Təhlükəsizlik Şurasına qeyri-daimi üzv seçilməsi onun regionun sabitliyi və təhlükəsizliyi üçün rolunu daha da gücləndirəcəkdir.

Azərbaycan.- 2012.- 28 aprel.- S. 2.