Azərbaycan Respublikasının Dövlət Gömrük Komitəsi Gömrük auditinin həyata keçirilməsinin nəticələrinə dair

"Gömrük auditinin həyata keçirilməsinin nəticələrinə dair aktın forması və tərtib edilməsi Qaydası"na əlavə

______ №-li AKT

Bakı şəhəri "___" ___________ 20__ il

1. Ümumi hissə

1.1. Auditin aparılması haqqında qərarın (əmrin) tarixi və nömrəsi.

1.2. Auditi həyata keçirən komissiya üzvlərinin vəzifələri, xüsusi rütbələri, soyadları, adları və atalarının adları.

1.3. Yoxlanılan şəxs haqqında məlumat (yoxlanılan hüquqi şəxsin adı, təsisçiləri haqqında məlumat (hüquqi şəxs yaratmadan sahibkarlıq fəaliyyəti ilə məşğul olan fiziki şəxsin soyadı, adı və atasının adı), VÖEN, hüquqi ünvanı).

1.3.1. Mövcud bank hesabları (bank, hesab nömrəsi və valyuta göstərilməklə).

1.3.2. Fəaliyyət növü (əsas fəaliyyət göstərilməklə).

1.3.3. Mövcud olan filiallar, rüsumsuz ticarət mağazaları, yaradılmış gömrük anbarları və digər anbarlar (onların ünvanları və təsis olunma tarixi göstərilməklə).

1.4. Yoxlanılan şəxs barəsində həyata keçirilmiş son auditin nəticələrinə dair aktın tarixi və nömrəsi, auditi həyata keçirən gömrük orqanlarının əməkdaşlarının (müştərək gömrük auditi aparıldıqda, gömrük və vergi orqanlarının əməkdaşlarından ibarət komissiya üzvlərinin) vəzifələri, soyadları, adları və atalarının adları, auditin nəticələri (qısa şəkildə), qəbul edilmiş və icra olunan qərarlar.

1.5. Audit dövründə gömrük sahəsində əməliyyatların aparılmasına cavabdeh olan şəxslərin rekvizitləri.

1.6. Auditin forması (ümumi/xüsusi).

1.7. Auditin keçirildiyi dövr.

1.8. Auditin başlandığı və başa çatdığı tarix.

2. Analitik hissə

2.1. Audit dövründə yoxlanılan şəxs tərəfindən həyata keçirilmiş gömrük prosedurlarının icmalı (idxal və ixrac edilən malların statistik dəyəri qeyd olunmaqla), aparılmış idxal-ixrac əməliyyatlarının mövcud gömrük qanunvericiliyinə uyğunluğu, malların gömrük prosedurları altında yerləşdirilməsi zamanı müəyyən tələblərə və şərtlərə əməl olunması barədə məlumat.

2.2. Audit zamanı tələb olunan, lakin təqdim edilməmiş sənədlər, həmçinin aşkar olunan gizlədilmiş hesabat sənədləri (aşkar olunduğu halda).

2.3. Audit zamanı yoxlanılan şəxsin fəaliyyəti ilə bağlı əlavə məlumatların alınması üçün müvafiq gömrük və ya digər dövlət orqanına sorğunun göndərilməsi zərurəti yarandıqda, göndərilən sorğunun tarixi, qeydiyyat nömrəsi və həmin sorğuya cavab.

2.4. Audit zamanı mallara dair müvafiq ekspertizanın aparılması tələb olunduğu halda, həmin ekspertizadan əldə olunan nəticələr.

3. Təyinedici hissə

3.1. Aparılmış audit nəticəsində aşağıdakılar müəyyən edilmişdir:

(yoxlama nəticəsində komissiya tərəfindən müəyyən edilmiş faktların məzmunu, Azərbaycan Respublikasının müvafiq qanunvericiliyinin pozulması faktları (bütün pozuntular qanunvericilik aktlarına istinad edilməklə, ayrı-ayrı bəndlər üzrə sadalanır), gömrük ödənişləri üzrə güzəştlər verilərkən, şərti buraxılmış mallar barəsində sərəncam verilməsi qaydalarının pozulması faktları barədə məlumatlar əks olunur. Bu zaman adı pozuntularla bağlı olan konkret şəxslərin (bəyannaməçi, mühasib və s.) rekvizitləri göstərilir).

3.2. Auditin nəticələrinin xülasəsi (aşkar olunmuş pozuntular, çatışmazlıqlar və uyğunsuzluqlar barədə məlumat, ödənilməmiş və ya qismən ödənilməmiş gömrük ödənişlərinin ümumi məbləği, yoxlanılan şəxs barədə tətbiq olunması nəzərdə tutulan tədbirlər).

3.3. Audit zamanı cinayət və inzibati hüquqpozma əlamətləri aşkar olunduğu halda, həmin hüquqpozma haqqında məlumat (Azərbaycan Respublikasının Cinayət Məcəlləsinin və ya Azərbaycan Respublikasının İnzibati Xətalar Məcəlləsinin müvafiq maddəsi göstərilməklə hüquqpozmanın məzmunu).

3.4. Audit nəticəsində müvafiq qanunvericiliyin tələblərinə əməl olunmaması faktları, həmçinin cinayət və ya inzibati hüquqpozma əlamətləri aşkar olunmadığı hallarda, bu barədə qeyd.

4. Yekun hissə

4.1. Bu hissədə aşağıdakı mətn qeyd olunur:

"Yoxlanılan şəxsin Azərbaycan Respublikasının qanunvericiliyinə müvafiq olaraq, gömrük auditini aparan subyektə öz iradlarını təqdim etmək, bu aktda qeyd olunmuş qanunvericiliyin pozulması faktları, uyğunsuzluqlar və çatışmazlıqlar barədə etirazını bildirmək, əlavə sənədləri təqdim etmək, həmçinin bu akt təsdiq edildikdən sonra ondan şikayət etmək hüququ vardır".

4.2. Akt ____ vərəqdə və 2 nüsxədə tərtib olunmuşdur.

Qoşma ____ vərəq.

4.3. Aktın düzgünlüyünü təsdiq edirik:

Komissiyanın üzvləri: Rəhbər (onun vəzifələrini icra edən şəxs)

_ ___ __ _ __________________

(soyadı, adı, atasının adı) (soyadı, adı, atasının adı)

_ __________________

(imza) (imza, möhür)

4.4. Aktın bir nüsxəsini __________ əlavələrlə birlikdə aldım və

(əlavələrin sayı)

bu barədə Nəzarət Kitabçasında qeyd aparıb imza etdim.

Rəhbər (onun vəzifələrini icra edən şəxs) və ya hüquqi şəxs yaratmadan sahibkarlıq fəaliyyəti ilə məşğul olan fiziki şəxs:

(soyadı, adı, atasının adı) (imza, möhür) (tarix)

Azərbaycan.- 2012.- 7 avqust.- S. 2.