İnformasiya Təhlükəsizliyi İdarəetmə Sisteminin MHM-də tətbiqinə və istismarına dair müqavilə imzalanmışdır

Rabitə və İnformasiya Texnologiyaları Nazirliyinin (RİTN) Məlumat Hesablama Mərkəzi (MHM) və Rumıniyanın "CertSIGN S.A." şirkəti arasında "İSO/İEC 27001:2005 (AZS-494-2010) standartının tələblərinə uyğun İnformasiya Təhlükəsizliyi İdarəetmə Sisteminin (İTİS) MHM-də tətbiqinə və istismarına dair konsaltinq xidmətləri" ilə əməkdaşlığa dair müqavilə imzalanmışdır.

Nazirlikdən AzərTAc-a bildirmişlər ki, müqaviləyə görə, Rumıniya şirkəti MHM-in cari informasiya təhlükəsizliyinin qeyd olunan standarta uyğunluğunu sınaqdan keçirəcək, təlim apararaq mərkəzin işçi heyətini sertifikatlaşdırma auditinə hazırlayacaqdır.

Müqavilədə işlərin icra olunma müddətinin 6 aydan az olmaması nəzərdə tutulmuşdur və bu müddətə İTİS-in iki ay sınaq işləməsi də daxildir.

Azərbaycan.- 2012.- 28 avqust.- S. 5.