Ramazan ayı ilə bağlı teatr layihəsi uğurla başa çatmışdır

Mübarək Ramazan ayı ilə əlaqədar Türkiyə, Gürcüstan və Azərbaycan teatrları arasında reallaşdırılmış yeni layihə uğurla başa çatmışdır. Layihədə Azərbaycanı Bakı Uşaq Teatrı təmsil etmişdir.

Teatrın rəhbəri İntiqam Soltan AzərTAc-a bildirib ki, Türkiyədə reallaşdırılan layihədə 10 nəfərdən ibarət aktyor heyəti iştirak etmişdir. Nümayiş olunan tamaşalar Ramazan ayının xüsusiyyətlərini özündə əks etdirən səhnəciklərdən ibarət olmuşdur. Bu il ilk dəfə sınaq layihə həyata keçirilmişdir. Gələn il layihənin miqyasının genişləndirilərək bütün Ramazan ayı boyu davam etdirilməsi nəzərdə tutulur. Gələcəkdə layihədə Özbəkistan, Rusiya, Ukrayna, Almaniya və digər ölkələrdən 200-dən çox sənətçinin iştirakı planlaşdırılır.

Azərbaycan.- 2012.- 30 avqust.- S. 5.