Ağdamda yeni arxeoloji materiallar aşkar edilmişdir

Ağdam rayonunun Xındırıstan kəndi yaxınlığındakı İsmayılbəy eneolit dövrü yaşayış məskənində aparılan arxeoloji qazıntı zamanı yeni tarixi materiallar aşkarlanmışdır.

AMEA Arxeologiya və Etnoqrafiya İnstitutu Qarabağ neolit-eneolit ekspedisiyasının rəisi, tarix üzrə fəlsəfə doktoru Xəqani Alməmmədov AzərTAc-a bildirmişdir ki, qazıntı zamanı 1,5 metr dərinlikdə bizim eradan əvvəl V minilliyin birinci yarısına aid mədəni təbəqə - 8 tikinti qalığı, 1 qəbir, 1 saxsı qab, yüzə qədər muncuq aşkar edilmişdir. Arxeoloji qazıntılar sentyabrın ortalarınadək davam edəcəkdir.

Azərbaycan.- 2012.- 26 avqust.- S. 7.