Heydər Əliyev Beynəlxalq Aeroportunda qarşılanma

Avropa İttifaqı Şurasının prezidenti Herman Van Rompuy iyulun 5-də Azərbaycan Respublikasına rəsmi səfərə gəlmişdir.

Avropa İttifaqının bayrağının və Azərbaycan Respublikasının dövlət bayrağının dalğalandığı Heydər Əliyev Beynəlxalq Aeroportunda Avropa İttifaqı Şurasının prezidentinin şərəfinə fəxri qarovul dəstəsi düzülmüşdü.

Hava limanında Avropa İttifaqı Şurasının prezidenti Herman Van Rompuyu Azərbaycan Respublikası Baş nazirinin birinci müavini Yaqub Eyyubov və digər rəsmi şəxslər qarşıladılar.

Sonra Beynəlxalq Aeroportun ali qonaqlar üçün salonunda Herman Van Rompuy və Yaqub Eyyubov arasında qısa protokol söhbəti oldu.

AzərTAc

Azərbaycan.- 2012.- 6 iyul.- S. 2.