Bosniya və Herseqovinanın Azərbaycanda akkreditə olunmuş səfirinin diplomatik fəaliyyəti başa çatmışdır

İyulun 11-də Azərbaycanın xarici işlər naziri Elmar Məmmədyarov diplomatik fəaliyyətinin başa çatması ilə əlaqədar Bosniya və Herseqovinanın iqamətgahı Ankarada olmaqla Azərbaycanda akkreditə olunmuş səfiri Dragolyub Lyepoya ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə nazir Elmar Məmmədyarov Azərbaycan ilə Bosniya və Herseqovina arasında ikitərəfli münasibətlərin inkişafında göstərdiyi köməkliyə görə səfirə təşəkkürünü bildirmiş və gələcək işlərində müvəffəqiyyətlər arzulamışdır.

Səfir Dragolyub Lyepoya fəaliyyəti dövründə Bosniya və Herseqovina ilə Azərbaycan arasında bir sıra sahələrdə əməkdaşlıq əlaqələrinin inkişafından məmnunluğunu ifadə etmişdir.

Azərbaycan.- 2012.- 12 iyul.- S. 7.