Qondarma “Dağlıq Qarabağ respublikasında keçirilən seçkilər” heç nəyi dəyişməyəcəkdir

Qondarma "Dağlıq Qarabağ respublikası" beynəlxalq aləmdə tanınmır. AzərTAc xəbər verir ki, bu sözləri Rusiyanın tanınmış politoloqu Sergey Markedonov "Exo Moskvı" radiosuna müsahibəsində demişdir.

S.Markedonov bildirmişdir ki, qondarma "prezident seçkiləri" dünyanın aparıcı siyasətçilərinin danışıqlarında müzakirə mövzusu olmur. Həm Qərb, həm də Rusiya Azərbaycan ilə münasibətləri pozmaq fikrində deyil. Ümumiyyətlə, "seçkilərə" hüquqi cəhətdən yanaşdıqda bu haqda danışmaq üçün söz belə yoxdur. "Seçkiləri" müşahidə edən missiyaya gəldikdə isə qeyd etmək lazımdır ki, orada Uruqvaydan, Argentinadan və erməni lobbisinin çox olduğu başqa uzaq ölkələrdən nümayəndələr iştirak etmişlər. Lakin onların heç biri dövlətin rəsmi mövqeyini əks etdirmir. Bunun üçün onların nə səlahiyyətləri, nə də ixtiyarları var. Odur ki, bu "seçkilər" heç nəyi dəyişməyəcəkdir.

Azərbaycan.- 2012- 25 iyul.- S. 2.