Azərbaycan sizdən qələbə gözləyir

London Yay Olimpiya Oyunlarına 16 idman növü üzrə 53 atletimiz lisenziya qazanıb

Elxan MƏMMƏDOV

26.02.1982

İdman növü: cüdo

Çəkisi: 90 kq

İdman nailiyyətləri: Avropa çempionatının üçüncüsü, Dünya kuboku və Qran-pri turnirinin mükafatçısı (2009), dünya çempionatının üçüncüsü, Dünya kubokunun və Qran-pri turnirinin mükafatçısı (2010, 2011, 2012). Reytinq cədvəlində on birinci pillədə qərarlaşaraq London Yay Olimpiya Oyunlarına lisenziya qazanıb.

Həsən ƏLİYEV

14.11.1989

İdman növü: yunan-Roma güləşi

Çəkisi: 60 kq

İdman nailiyyətləri: Gənclər arasında dünya birinciliyinin qalibi (60 kq, 2009); 2008 və 2009-cu illərdə keçirilən Avropa birinciliklərinin qalibi; böyüklər arasında dünya çempionu (2010); Avropa çempionatının qızıl (2010) və bürünc mükafatçısı (2011).

Camal RƏHİMOV

16.09.1987

İdman növü: atçılıq (konkur)

Çəkisi: 70 kq

İdman nailiyyətləri: Heydər Əliyev kuboku beynəlxalq turnirinin qalibi (2011), "Selection Trials for Olympic Games London-2012" beynəlxalq turnirində III yer (2011), "Novruz" kuboku beynəlxalq turnirinin qızıl mükafatçısı (2011), Dünya kubokunun Qran-pri mərhələsinin qalibi (2011), Qran-pri yarışlarında III yer (2011), Qran-pri yarışlarının gümüş mükafatçısı (2011), "Həmrəylik" kubokunda I yer (2011), Yeni il kubokunda III yer (2012)

Məhəmməd ƏBDÜLHƏMİDOV

16.11.1987

İdman növü: boks

Çəkisi: 56 kq

İdman nailiyyətləri:

2011-ci ildə neft ölkələri arasında keçirilən Dünya kuboku uğrunda yarışda I yer, London-2012-yə vəsiqəni Trabzonda keçirilən lisenziya turnirində ikinci yeri tutaraq qazanıb.

Boyanka KOSTOVA

10.05.1993

İdman növü: ağırlıqqaldırma

Çəkisi: 58 kq

İdman nailiyyətləri: 2009-cu ildə Tailandda keçirilən yeniyetmələr arasında dünya birinciliyi - I yer, 2010-cu il Belarusda keçirilən kişilər və qadınlar arasında Avropa çempionatı - II yer, 2010-cu ildə Sinqapurda keçirilən Yeniyetmələrin I Yay Olimpiya Oyunları - I yer.

2011-ci ildə Fransanın paytaxtı Parisdə keçirilən kişilər və qadınlar arasında dünya çempionatı - VIII yer, 2012-ci ildə Türkiyənin Antalya şəhərində keçirilən kişilər və qadınlar arasında Avropa çempionatı - I yer.

London Olimpiadasına vəsiqəni Türkiyədə (2011, 2012) və Fransada (2011) keçirilən lisenziya xarakterli yarışların yekunlarına əsasən əldə edib.

Yelena ÇALIX

25.03.1974

İdman növü: velosiped

Çəkisi: 58 kq

İdman nailiyyətləri:

Dünya kuboku mərhələsinin qalibi, 1998; Avropa çempionu, İspaniya, 2008; dünya çempionatında 13-cü yer, Danimarka, 2011.

Fəridə ƏZİZOVA

06.06.1995

İdman növü: taekvondo

Çəkisi: 67 kq

İdman nailiyyətləri: 2009-cu ildə Xorvatiyada keçirilən yeniyetmələr arasında yarışda Avropa çempionu adını qazanıb. 2008-ci ildə Türkiyədə gənclər arasında təşkil edilən dünya brinciliyində üçüncü olub. 7 qat ölkə çempionudur. 2011-ci ildə Bakıda keçirilən dünya lisenziya turnirində ikinci yeri tutaraq London-2012-yə vəsiqə qazanıb.

Maksim PROKOPENKO

23.03.1984

İdman növü: avarçəkmə (kanoe)

Çəkisi: 87 kq

İdman nailiyyətləri: II Dünya kuboku uğrunda yarışın gümüş mükafatçısı (500 m, 1000 m), Polşa, 2009; Avropa çempionatının bürünc mükafatçısı (500 m), Polşa 2009; Avropa çempionatının qalibi (1000 m) və gümüş mükafatçısı (500 m, 200 m), Almaniya, 2010; Dünya kubokunun qalibi (500 m), Almaniya, 2010; Dünya çempionatının gümüş mükafatçısı (500 m), Polşa, 2010; I Dünya kubokunun qalibi (1000 m, 500 m), Polşa, 2011; Dünya çempionatının gümüş mükafatçısı (500 m), Macarıstan, 2011; Avropa çempionatının gümüş mükafatçısı (500 m), Serbiya, 2011; III Dünya kubokunun gümüş mükafatçısı (1000 m), Almaniya, 2011. London Olimpiadasına vəsiqəni Macarıstanda keçirilən lisenziya xarakterli dünya çempionatında qazanıb.

Camaləddin MAQOMEDOV

14.03.1989

İdman növü: sərbəst güləş

Çəkisi: 120 kq

İdman nailiyyətləri:

Gənclər arasında Avropa çempionu, dünya çempionatının gümüş mükafatçısı (2009).

London Yay Olimpiya Oyunlarına lisenziyanı 2011-ci ildə Türkiyənin İstanbul şəhərində keçirilən dünya çempionatında qazanıb.

Toğrul ƏSGƏROV

17.09.1992

İdman növü: sərbəst güləş

Çəkisi: 60 kq

İdman nailiyyətləri: Gənclər arasında Avropa çempionu (2010), dünya birinciliyinin qalibi (2011), böyüklər arasında dünya çempionatının gümüş mükafatçı (2010), Avropa çempionu (2012). London Yay Olimpiya Oyunlarına lisenziyanı Bolqarıstanın paytaxtı Sofiya şəhərində keçirilən Avropa təsnifat turnirində qazanıb.

Valentin XRİSTOV

30.03.1994

İdman növü: ağırlıqqaldırma

Çəkisi: 56 kq

İdman nailiyyətləri: 2011-ci ildə Fransanın paytaxtı Parisdə keçirilən kişilər və qadınlar arasında dünya çempionatı - III yer, 2011-ci ildə Türkiyənin Antalya şəhərində keçirilən Antalya kişilər və qadınlar arasında Avropa çempionatı- I yer, gənclər arasında Avropa, yeniyetmələr arasında dünya rekordçusu.

London Olimpiadasına vəsiqəni Türkiyədə (2011, 2012) və Fransada (2011) keçirilən lisenziya xarakterli yarışların yekunlarına əsasən əldə edib.

Yuliya RATKEVİÇ

16.07.1985

İdman növü: qadın güləşi

Çəkisi: 55 kq

İdman nailiyyətləri:

Dünya çempionu (2009), dünya çempionatının gümüş mükafatçısı (2010), Avropa çempionu (2011). London Yay Olimpiya Oyunlarına lisenziyanı Bolqarıstanın paytaxtı Sofiya şəhərində keçirilən Avropa təsnifat turnirində əldə edib.

Valentin DEMYANENKO

23.10.1983

İdman növü: avarçəkmə (kanoe)

Çəkisi: 97 kq

İdman nailiyyətləri: I Dünya kubokunun qalibi (200 m, 500 m), Macarıstan, 2008; II Dünya kubokunun qalibi (500 m), Polşa, 2009; Dünya çempionu (200 m), Polşa, 2009; III Dünya kubokunun gümüş mükafatçısı (200 m), Polşa, 2011; Avropa çempionu (200 m), Serbiya, 2011; Dünya çempionu (200 m), Macarıstan, 2011. London Olimpiadasına vəsiqəni Macarıstanda keçirilən lisenziya xarakterli dünya çempionatında qazanıb.

Layeş ABDULLAYEVA

29.05.1991

İdman növü: atletika (3 min və 5 min məsafələri maneələrlə qaçış)

Çəkisi: 48 kq

İdman nailiyyətləri:

Gənclər arasında keçirilən dünya çempionatının bürünc mükafatçısı, Kanada, 2010; gənclər arasında ikiqat Avropa çempionu, Çexiya, 2011.

Azərbaycan.- 2012.- 25 iyul.- S. 4.