Olimpiya çempionumuz Elnur Məmmədli bu gün mübarizəyə başlayır

XXX London Yay Olimpiya Oyunlarının IV günü Azərbaycan millisinin heyətində qüvvəsini sınayacaq idmançıların adları məlumdur. İyulun 31-də yığmamızın heyətində 7 atlet mübarizəyə qoşulacaq.

Onların arasında son Olimpiya çempionumuz Elnur Məmmədli də var. Elnur Olimpiadaya 81 kq çəkidə 1/32 finaldan başlayacaq. Qadın cüdoçumuz Ramilə Yusubova (63 kq) isə 1/16 finaldan yarışlara qoşulacaq. Avarçəkmə üzrə yığmamızın iki üzvü - Aleksandr Aleksandrov və Natalya Mustafayeva 1/4 finalda mubarizə aparacaqlar. Bu gün boksçumuz Heybətulla Hacəliyev və ağırlıqqaldırma üzrə millimizin iki atleti Əfqan Bayramov, Sərdar Həsənovun necə mübarizə aparacaqlarının şahidi olacağıq.

İyulun 31-də keçiriləcək Olimpiya oyunlarında idmançılarımızın qarşılaşacaqları rəqiblər və oyunların başlanma vaxtı (Bakı vaxtı ilə) ilə tanış olun:

Cüdo 1/32 final (81 kq)

Elnur Məmmədli (AZƏRBAYCAN) - Antuan Valua-Fortiey (Kanada). Saat 13:30 - 16:30

Cüdo 1/16 final (63 kq)

Ramilə Yusubova (AZƏRBAYCAN) - Gülnar Hayıbayeva (Türkmənistan). Saat 13:30 - 16:30

Akademik avarçəkmə 1/4 final

Aleksandr Aleksandrov (akademik avarçəkmə, 2000 m). Saat 13:30 - 16:40

Natalya Mustafayeva (akademik avarçəkmə, 2000 m). Saat 13:30 - 16:40

Boks 1/16 final (64 kq)

Heybətulla Hacəliyev (AZƏRBAYCAN) - Abderrazak Houyan (Tunis).

Saat 22:45

Ağırlıqqaldırma

Əfqan Bayramov (69 kq A qrupu). Saat 23:00 - 01:00

Sərdar Həsənov (69 kq A qrupu). Saat 23:00 - 01:00

Azərbaycan.- 2012.- 31 iyul.- S. 3.