Hulusi KILIÇ: Ermənistan özünü Azərbaycan ilə müqayisə etməsin

Türkiyənin Azərbaycandakı səfiri Hulusi Kılıç AzərTAc-a müsahibəsində Ermənistanın xarici işlər naziri Edvard Nalbandyanın azərbaycanlı şəhidlər üçün başsağlığı verən Türkiyənin Ermənistanla bağlı eyni addım atmamasına dair iradına münasibət bildirmişdir.

Hulusi Kılıç demişdir: "Azərbaycanın torpaqları işğal altındadır. Ermənistan özünü Azərbaycan ilə müqayisə etməsin. Əvvəlcə Ermənistan beynəlxalq ictimaiyyət tərəfindən tanınan sərhədlərə çəkilsin, daha sonra belə bir açıqlama versin. Bildiyiniz kimi, Ermənistanın işğal altında saxladığı Azərbaycan ərazilərini tərk etməsi ilə bağlı BMT Təhlükəsizlik Şurasının 4 qətnaməsi vardır. Mən bundan artıq bir şey demək istəmirəm, Azərbaycan torpaqları işğal altındadır və bu torpaqların qaytarılması üçün səylər davam etdiriləcəkdir".

Azərbaycan.- 2012.- 14 iyun.- S. 1.