ABŞ-ın Azərbaycana səfir təyin etməsi münasibətlərin siyasi sahədə yeni mərhələyə keçməsinə zəmin yaradacaqdır

Qəbələ radiolokasiya stansiyasının (RLS) icarə müddətinin uzadılması ilə bağlı Azərbaycan ilə Rusiya arasında danışıqlar davam etdirilir.

AzərTAc xəbər verir ki, bunu jurnalistlərə açıqlamasında Azərbaycan Prezidenti Administrasiyasının siyasi təhlil və informasiya təminatı şöbəsinin müdiri Elnur Aslanov bildirmişdir.

E.Aslanov demişdir ki, Azərbaycan tərəfi Qəbələ RLS ilə bağlı mövqeyini dəfələrlə ortaya qoymuşdur. Unutmaq olmaz ki, Azərbaycan bu gün turizm potensialı baxımından inkişaf edən məkandır. Eyni zamanda, Konstitusiyada Azərbaycan ərazisində digər dövlətin hərbi bazasının mövcudluğunu qadağan edən maddə vardır.

Prezident Administrasiyasının şöbə müdiri, həmçinin bildirmişdir ki, müəyyən bir dövrdə ABŞ-ın Azərbaycanda səfiri olmamışdır. ABŞ-ın ölkəmizə səfir təyin etməsi iki ölkə arasında münasibətlərin inkişafına, dinamik əlaqələrin artmasına, istər iqtisadi, istərsə də siyasi sahədə yeni mərhələyə keçməsinə zəmin yaradacaqdır.

Azərbaycan.- 2012.- 22 iyun.- S. 3.