Tanınmış müğənni və bəstəkar Emin Ağalarov “Fashion People Awards-2012” mükafatına layiq görülmüşdür

Rusiyada yaşayan tanınmış azərbaycanlı müğənni və bəstəkar Emin Ağalarov "Fashion People Awards-2012" mükafatına layiq görülmüşdür. AzərTAc xəbər verir ki, Moskvada keçirilən təqdimat mərasimində E.Ağalarov ən dəbli kişi səsi - "Fashion Voice Male" nominasiyası üzrə adıçəkilən mükafatı qazanmışdır.

Mötəbər və məşhur mükafat hesab olunan "Fashion People Awards-2012"nin təqdimatında Rusiyanın tanınmış simaları da olmuşlar.

Hər ilin yay mövsümündə Bakıda solo konsert proqramı ilə çıxış edən Emin Ağalarov artıq bu mövsüm üçün də konsertin tarixini müəyyənləşdirmişdir. Konsertin iyulun 12-də Yaşıl Teatrda keçirilməsi nəzərdə tutulmuşdur.

E.Ağalarov konsertində hitə çevrilmiş mahnılarını səsləndirəcəkdir.

Azərbaycan.- 2012.- 23 iyun.- S. 11.