Roman Lob: Azərbaycan xalqı çox qonaqpərvərdir

Azərbaycanda hər kəs mənimlə görüşməyə çalışır, mehribanlıq göstərir. Siz çox qonaqpərvər xalqsınız. Bu sözləri AzərTAc-a məxsusi müsahibəsində Almaniyanın "Eurovision-2012" mahnı müsabiqəsindəki təmsilçisi Roman Lob demişdir.

Paytaxtımızın təmizliyindən və gözəlliyindən danışan Roman Lob bildirmişdir: "Bu gözəl diyarda olduğum müddətdə Azərbaycan haqqında məndə çox böyük təəssürat yarandı. Həm şəhəriniz, həm də buranın sakinləri çox gözəldirlər. Bakı təmiz və gözəl şəhərdir. Mən Bakını çox sevdim. "Eurovision-2012" mahnı müsabiqəsində qalib olmasam da, buradan çox böyük təəssüratlarla ayrılıram. Çünki indiyədək heç bir yerdə rastlaşmadığım insanlarla, görmədiyim bir məkanla, Bakı kimi bir şəhərlə tanış oldum. Bu, "Eurovision-2012" mahnı müsabiqəsinin mənə bağışladığı hədiyyədir. Buna görə hər kəsə təşəkkür edirəm".

Azərbaycan.- 2012.- 2 iyun.- S. 6.