Bakıda keçirilən Krans Montana Forumunun iştirakçılarının şərəfinə ziyafət verilmişdir

Bakıda keçirilən Krans Montana Forumunun iştirakçılarının şərəfinə iyunun 29-da "Buta" sarayında rəsmi ziyafət verilmişdir.

Dövlət və hökumət rəsmilərinin iştirak etdiyi tədbirdə Krans Montana Forumunun təsisçisi və prezidenti Jan Pol Karteron forumun ideyalarına sadiqliyinə görə "Panrail" dəmir yolu avadanlığı istehsalı şirkətinin rəhbəri Hans Corc Andrasa, xaricdə yaşayan fransızların işləri üzrə senator Kristofe Andre Frassaya və Avropa İqtisadi Palatasının rəhbəri Kərim Əlirzayevə mükafatlar təqdim etmişdir.

Sonra bir qrup şəxsə forumun diplomları təqdim olunmuşdur.

Ziyafətdə xalq artisti Teymur Göyçayevin bədii rəhbərliyi və baş dirijorluğu ilə Qara Qarayev adına Azərbaycan Dövlət kamera orkestrinin konserti qonaqlara unudulmaz anlar bəxş etmişdir.

AzərTAc

Azərbaycan.- 2012.- 30 iyun.- S. 6.