Bakıda УEurovisionФ mahnı müsabiqəsinin məşvərət qrupunun növbəti iclası olmuşdur

 

Martın 17-18-də Bakıda "Eurovision" mahnı müsabiqəsinin məşvərət qrupunun növbəti iclası olmuşdur.

Eurovision.az saytından AzərTAc-a bildirmişlər ki, iclasda "Eurovision-2012" mahnı müsabiqəsinə hazırlıq məsələləri müzakirə olunmuşdur. Bununla yanaşı, müsabiqənin prodakşn məsələlərinə dair yeni məlumatlar verilmiş, "Bakı Kristal Zalı"nda "Eurovision-2012" səhnəsinin tərtibatı ilə bağlı müzakirələr aparılmışdır.

Görülən işlərlə bağlı açıqlama verən məşvərət qrupunun rəhbəri Frank-Dieter Freiling demişdir ki, Azərbaycan möhtəşəm bir şou hazırlayır. "Eurovision-2012" mahnı müsabiqəsində təkcə arena yox, həm də şounun konsepsiyası yeni olacaqdır. Ümid edirik ki, Azərbaycan möhtəşəm bir şou təşkil edəcəkdir. Düsseldorf şousundan təsirlənmiş auditoriya Bakı şousuna daha da valeh olacaqdır. Tamaşaçıları çox gözəl sürprizlər gözləyir.

"Eurovision" mahnı müsabiqəsinin rəhbəri Yan Ola Sand məşvərət qrupunun Bakıdakı son iclasının səmərəli keçdiyini bildirmişdir. "May ayına çox az vaxt qalır. Bu qısa zamanda bir çox detallar həllini tapmalıdır. Bu detalların hər biri "Eurovision-2012" mahnı müsabiqəsini standartlara uyğun və lazımi keyfiyyətdə keçirmək üçün əhəmiyyətli rol oynayır".

 

 

Azərbaycan.- 2012.- 20 mart.- S. 11.