Azərbaycan və İspaniya Diplomatik akademiyaları arasında əməkdaşlıq memorandumu imzalanmışdır

Martın 28-də Azərbaycanın İspaniyadakı səfirliyinin təşəbbüsü ilə Azərbaycan və İspaniya Diplomatik akademiyaları arasında əməkdaşlıq memorandumu imzalanmışdır.

Azərbaycan Diplomatik Akademiyasının (ADA) mətbuat xidmətindən AzərTAc-a bildirmişlər ki, sənəddə tələbə və mühazirəçi müəllimlərin mübadiləsi, həmçinin ADA tərəfindən ispaniyalı diplomatlar üçün "Xəzər dənizi hövzəsinin araşdırmaları" kurslarının təşkili nəzərdə tutulmuşdur.

ADA, həmçinin Madridin nüfuzlu IE Biznes İnstitutu ilə də razılaşma imzalamışdır. Razılaşmaya əsasən, ADA-nın tələbələri bu institutda MBA proqramı üzrə güzəştlə təhsil ala biləcəklər.

Azərbaycan.- 2012.- 29 mart.- S. 4.