Euroclubda Eurovision-2012 mahnı müsabiqəsinin rəsmi açılışı olmuşdur

 

Mayın 19-da "Euroclub"da "Eurovision-2012" mahnı müsabiqəsinin rəsmi açılış mərasimi keçirilmişdir.

Mahnı müsabiqəsinin iştirakçıları əvvəlcə ənənəvi olaraq fanatların alqışları altında qırmızı xalı üzərindən keçərək zala daxil oldular.

Açılış mərasimi atəşfəşanlıqla müşayiət olundu.

AzərTAc xəbər verir ki, rəsmi açılışda "Eurovision" mahnı müsabiqəsinin təşkilat komitəsinin rəhbəri Yan Ola Sand müsabiqə iştirakçılarına uğurlar arzuladı.

Sonra birinci olaraq "Eurovision-2011" müsabiqəsinin qalibləri Eldar Nigar "Running scare" mahnısını ifa etdilər. Səhnəyə, həmçinin müsabiqənin norveçli qalibi Aleksandr Rıbak çıxdı.

Gecədə müsabiqə iştirakçıları, məşhur diceylər konsert proqramları ilə çıxış etdilər. Müxtəlif ölkələrin təmsilçiləri öz repertuarlarından mahnılar səsləndirdilər.

Rəsmi açılış mərasimində nümayəndə heyətlərinin üzvləri, fanatlar akkreditasiyadan keçmiş jurnalistlər iştirak etdilər.

"Eurovision-2012"-nin rəsmi açılışının keçirildiyi Bakı İdman Sarayında yerləşən "Euroclub" müsabiqə iştirakçıları üçün yaradılan xüsusi bir məkandır.

 

 

Azərbaycan.- 2012.- 20 may.- S. 3.