Azərbaycan Respublikasının Nazirlər Kabineti qərar

№ 99 Bakı şəhəri, 10 may 2012-ci il

Azərbaycan Respublikası Nazirlər Kabinetinin 2000-ci il 17 yanvar tarixli 7 nömrəli qərarı ilə təsdiq edilmiş "Suların dövlət uçotunun Qaydası"nda dəyişikliklər edilməsi barədə

"Azərbaycan Respublikası Fövqəladə Hallar Nazirliyinin Su Ehtiyatları Dövlət Agentliyi haqqında Əsasnamənin təsdiq edilməsi barədə"Azərbaycan Respublikası Prezidentinin 2011-ci il 22 noyabr tarixli 525 nömrəli Fərmanının 2.1-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

1. Azərbaycan Respublikası Nazirlər Kabinetinin 2000-ci il 17 yanvar tarixli 7 nömrəli qərarı (Azərbaycan Respublikasının Qanunvericilik Toplusu, 2000, № 1, maddə 77; 2002, № 2, maddə 101; 2005, № 6, maddə 558; 2006, № 4, maddə 370) ilə təsdiq edilmiş "Suların dövlət uçotunun Qaydası"nda aşağıdakı dəyişikliklər edilsin:

1.1. 5-ci hissədə "və Azərbaycan Meliorasiya və Su Təsərrüfatı Açıq Səhmdar Cəmiyyəti (suların istifadəsi uçotu bölməsi üzrə) ilə birlikdə" sözləri ",Azərbaycan Meliorasiya və Su Təsərrüfatı Açıq Səhmdar Cəmiyyəti (suların istifadəsi uçotu bölməsi üzrə) və Fövqəladə Hallar Nazirliyi tərəfindən" sözləri ilə əvəz edilsin;

1.2. 7-ci hissədə "ilə" sözündən əvvəl "Fövqəladə Hallar Nazirliyi" sözləri əlavə edilsin;

1.3. 8-ci hissənin ikinci abzasında "onların" sözündən əvvəl "Fövqəladə Hallar Nazirliyinin iştirakı ilə" sözləri əlavə edilsin;

1.4. 9-cu hissənin ikinci abzasında ", habelə" sözündən sonra "Fövqəladə Hallar Nazirliyinin iştirakı ilə" sözləri əlavə edilsin, dördüncü abzasında "Ekologiya və Təbii Sərvətlər Nazirliyini" sözləri "Fövqəladə Hallar Nazirliyini" sözləri ilə əvəz edilsin;

1.5. 11-ci hissənin üçüncü abzasının əvvəlinə "Fövqəladə Hallar Nazirliyi ilə birlikdə" sözləri, altıncı abzasında "Nazirliyini" sözündən sonra "və Fövqəladə Hallar Nazirliyini" sözləri əlavə edilsin.

Artur RASİ-ZADƏ,

Azərbaycan Resrublikasının Baş naziri

Azərbaycan.- 2012.- 12 may.- S. 9.