Rabitə dünyası qəzetinin Eurovision mahnı müsabiqəsinə həsr olunmuş ingilis dilində xüsusi buraxılışı nəşr olunmuşdur

 

Azərbaycan Respublikası Rabitə və İnformasiya Texnologiyaları Nazirliyinin (RİTN) rəsmi orqanı olan "Rabitə dünyası" qəzetinin Bakıda keçirilən "Eurovision" mahnı müsabiqəsinə həsr olunmuş ingilis dilində xüsusi buraxılışı nəşr olunmuşdur.

AzərTAc xəbər verir ki, yüksək tərtibatla və zövqlə nəşr olunan qəzetdə "Eurovision" mahnı müsabiqəsinin tarixi, "Eurovision-2012" mahnı müsabiqəsinin Təşkilat Komitəsinin sədri Mehriban Əliyevanın müsabiqə haqqında fikirləri, ölkəmizin "Eurovision" müsabiqəsində iştirak etdiyi 5 il ərzində əldə etdiyi uğurlu nəticələr, "Eurovision-2012"nin təşkili barədə məlumatlar, eləcə də müsabiqənin texniki təchizatı üçün RİTN tərəfindən həyata keçirilən işlər barədə geniş məlumat verilmişdir.

Xüsusi buraxılışda "Eurovision-2012" mahnı müsabiqəsində bu il ölkəmizi təmsil edən Səbinə Babayeva ilə yanaşı, digər ölkə təmsilçiləri, həmçinin müsabiqənin hər iki yarımfinalının nəticələri barədə məlumatlar yer almışdır.

 

 

Azərbaycan.- 2012.- 27 may.- S. 3.