УBaku Crystal HallФ kimi əzəmətli bir binanın qısa müddətdə inşa olunmasından heyrətlənməmək mümkün deyil

 

"Eurovision-2012" mahnı müsabiqəsinin keçirildiyi "Baku Crystal Hall" kimi əzəmətli bir binanın qısa müddətdə inşa olunmasından heyrətlənməmək mümkün deyil. Həmçinin bina şounun keçirilməsinin yüksək tələblərinə tamamilə cavab verir.

Bu sözləri AzərTAc-a müsahibəsində ispaniyalı jurnalist Jose Miguel Pes Arino demişdir.

Altı ildir jurnalist kimi "Eurovision" mahnı müsabiqəsinə qatıldığını deyən ispaniyalı jurnalist Bakı şousunun çox maraqlı təşkil edildiyini diqqətə çatdırmış, həmçinin şəhərin "Eurovision" ab-havası ilə əhatə olunduğunu qeyd etmişdir.

Jose Miguel Pes Arino bir jurnalist kimi Mətbuat Mərkəzində hər cür şərait yaradıldığını, prosesində qarşıya çıxacaq bütün problemlərin burada qabaqcadan nəzərə alındığını bildirmişdir. O, İsveç, İtaliya, İspaniya, Azərbaycan təmsilçilərinin çıxışlarını yüksək qiymətləndirmiş və bütün iştirakçılara uğurlar arzulamışdır.

 

 

Azərbaycan.- 2012.- 27 may.- S. 9.