Azərbaycan ilə UNEP arasında qarşılıqlı əməkdaşlıq əlaqələrinin daha da inkişaf etdirilməsi müzakirə olunmuşdur

Noyabrın 16-da Heydər Əliyev Fondunun vitse-prezidenti, Ətraf Mühitin Mühafizəsi üzrə Beynəlxalq Dialoq Təşəbbüsünün - İDEA-nın təsisçisi Leyla xanım Əliyeva BMT-nin Ətraf Mühit Proqramının (UNEP) regional direktoru Jan Dusiklə görüşmüşdür.

AzərTAc xəbər verir ki, görüş İDEA və UNEP-in əməkdaşlığı ilə həyata keçirilən "Yaşıl həftə" layihəsi çərçivəsində baş tutmuşdur.

Görüşdə layihənin əhəmiyyəti vurğulanmış, Azərbaycan ilə UNEP arasında qarşılıqlı əməkdaşlıq əlaqələrinin daha da inkişaf etdirilməsi, ətraf mühitin mühafizəsi üzrə gələcəkdə də birgə bir çox proqramların və layihələrin həyata keçirilməsi məsələləri müzakirə olunmuşdur.

Azərbaycan.-2012.- 17 noyabr.- S.5.