Svetlana KONÇİYEVA: Forumun əhəmiyyəti ordadır ki, insanlar bir yerə toplanıb cəmiyyətdəki aktual problemləri müzakirə edirlər

Bakıda keçirilən Beynəlxalq Humanitar Forumda nüfuzlu elm adamları iştirak edirlər. Bu forumun əhəmiyyəti ondadır ki, insanlar bir yerə toplanıb, onları narahat edən, cəmiyyətdəki mühüm və aktual problemləri birlikdə müzakirə edirlər.

AzərTAc xəbər verir ki, bu sözləri İkinci Bakı Beynəlxalq Humanitar Forumunda iştirak edən Bolqarıstanın Milli Elmlər Akademiyasının vitse-prezidenti Svetlana Konçiyeva bildirmişdir. Bolqarıstanın Milli Elmlər Akademiyasının vitse-prezidenti demişdir ki, dünyadakı aktual problemlərin müzakirəsi çox önəmlidir. Bu forumda biz bir çox problemləri bir-birimizlə bölüşmək və birlikdə həlli yollarını axtarmaq imkanı əldə etdik.

S.Konçiyeva ölkəmizdə insanların çox qonaqpərvər olduğunu da vurğulamışdır.

Azərbaycan.-2012.- 13 oktyabr.- S.7.