DİPLOMATİK ŞAPALAQ
BAŞ REDAKTORDAN
Çoxdandır milyonlarla insan eyni zamanda belə ürəkdən
sevinməmişdi!
Çoxdandır Azərbaycan
xalqı kütləvi şəkildə bir-birini
belə təbrik etməmişdi!
Çoxdandır ana və bacılarımız eşitdikləri
xəbərdən belə kövrəlib ağlamamışdılar!
İndi hamı bir
nəfər kimi sevinir,
kövrəlir, göz yaşlarını
cilovlamır!
İndi hamı bir-birini
təbrik edir, göz
aydınlığı verir!
XALQIMIZA BU SEVİNCİ,
BU QÜRURU DÖVLƏT BAŞÇISI CƏNAB İLHAM ƏLİYEV
VERDİ!
Səkkiz
il bundan öncə
Macarıstanda qısamüddətli kursa
gedən Azərbaycan zabiti Ramil
Səfərov erməni zabiti tərəfindən
bayrağımıza göstərilən həqarətli
münasibəti bağışlamamışdı! Əsəblərini
və hisslərini cilovlaya bilməyən zabitimiz düşmən ölkənin
azğınlaşmış nümayəndəsinə əl
qaldıraraq onu birdəfəlik yerində
oturtmuşdu!
O zaman hamımız bu hadisəni
dərin təəssüflə qarşıladıq. Amma heç kəsin əli
heç yana
çatmırdı...
Ermənilər
isə baş verənlərdən öz xislətlərinə uyğun
şəkildə, məkrli məqsədlərlə istifadəyə
başladılar. Onlar Azərbaycan xalqını
"amansızlıqda" ittiham etməyə
(elə bil Xocalı
soyqırımını erməni vandalları yox,
biz törətmişik), azərbaycanlılarla
birgə yaşamağın mümkünsüzlüyünü
yenidən gündəmə gətirməyə
başladılar!
Dünya erməniliyi böyük hay-küy yaradaraq iki nəfər
arasında baş verən davanı
"beynəlxalq miqyaslı" siyasi şouya çevirdi.
Məcburi
köçkün ailəsində
böyüyən, qaçqın həyatının bütün məşəqqətlərini yaşayaraq özünə zabit
peşəsi seçən və həyatını Azərbaycanın
işğal altındakı
torpaqlarının azad olunmasına həsr
edən Ramil Səfərova qədərindən qat-qat ağır cəza verildi!
Vətənpərvər
zabitin əsas günahı Xocalı,
Meşəli, Cəmilli, Qaradağlı, Kərkicahan,
Bağanis-Ayrım soyqırımlarını törədən,
Azərbaycan ərazisinin 20 faizini işğal altında saxlayan
düşmən ölkənin zabitinin həqarətli
hərəkətinə dözməməsi idi!
Bir nəfəri
öldürdüyünə görə Ramil
Səfərova ömürlük həbs cəzası
kəsildi!
Müqayisə
üçün deyək ki,
77 nəfər dinc insanı - qadın və
uşaqları terror yolu
ilə qətlə yetirən Norveç vətəndaşı
Breyvikə cəmi 21 il həbs cəzası
verilib.
Bir nəfər və yetmiş yeddi nəfər!
Bayrağının
şərəfini qoruyan zabitə və
insanları kütləvi şəkildə qətlə yetirən
terrorçuya verilən cəzalar
arasındakı "ədalət tərəzisi" necə
də əyri və ədalətsiz görünür!
Biz
haqqı, ədaləti, düzlüyü
və halallığı sevən xalqıq!
Biz
düşmənlərimizin də "kişi
adam" olmasını istəyirik!
Biz
insanlardakı mərdliyi, kişi hərəkətlərini
və prinsipiallığı yüksək dəyərləndiririk!
PREZİDENTİMİZ,
ALİ BAŞ KOMANDANIMIZ DA ƏSL AZƏRBAYCAN
KİŞİSİDİR!
Adı böyük
hərflərlə yazılan KİŞİ!
Həm
xalqına, dövlətinə sahib
çıxandır, həm verdiyi hər bir sözə əməl edəndir, həm də
çətin duruma düşən vətəndaşının
qayğısına qalandır!
Belə
dövlət başçısı ilə kim
fəxr etməz!
Seçkilər
ərəfəsində "Mən hər bir
Azərbaycan vətəndaşının Prezidenti
olacağam" - demişdi!
Dedi və oldu!
Verdiyi bütün
vədləri şərəflə yerinə yetirdi!
"Azərbaycan
xalqı yaxşı yaşamağa layiqdir" - demişdi.
Yoxsulluğun azaldılması və
davamlı inkişafla bağlı Dövlət
Proqramı qəbul edildi. Görülən
işlər nəticəsində ölkədə yoxsulluq 49 faizdən 5,4 faizə endirildi.
"Azərbaycan
hərtərəfli inkişaf edəcək"
- demişdi.
Ölkə
başdan-başa yeniləşib, təzədən
tikilib qurulub, tək paytaxt Bakı yox, regionlar görünməmiş sürətlə
inkişaf edib!
"Azərbaycanın
enerji, nəqliyyat, ərzaq təhlükəsizliyi
təmin olunacaq" - demişdi.
Artıq
Azərbaycan Avropanın etibarlı enerji təchizatçılarından
birinə çevrilib. Dünyaya
neft, qaz, elektrik enerjisi ixrac edir! Nəqliyyat və
ərzaq baxımından da təhlükəsizliyimiz
təmin edilib.
"Bir nəfər də çadırda yaşayan məcburi köşkün
qalmayacaq"- demişdi.
Çadır
şəhərcikləri, vaqon evlər çoxdan ləğv olunub.
Müasir qəsəbələr,
yaşayış massivləri salınaraq məcburi
köçkünlər məskunlaşdırılır.
Növbəti ildə bu proses
tam başa
çatacaqdır!
"Azərbaycanı
müasir, modern
dövlətə çevirəcəyik" - demişdi.
Azərbaycan 155 dövlətin dəstəyi
ilə BMT Təhlükəsizlik Şurasına üzv seçildi. "Eurovision" müsabiqəsində qalib gələrək ona ev sahibliyi etdi.
XXX London Yay Olimpiya Oyunlarında on medal qazandı!
Dövlət
başçısı böyük beynəlxalq
siyasi nüfuzu,
prinsipiallığı, vətənpərvərliyi və
qayğıkeşliyi ilə sübut etdi ki, hər bir Azərbaycan vətəndaşının,
hətta xarici dövlətin həbsxanasında
cəza çəkən Azərbaycan vətəndaşının
da sahibi,
taleyi və həyatı üçün
narahatlıq hissi keçirən Prezidentdir!
EŞQ OLSUN BELƏ
PREZİDENTƏ VƏ ALİ BAŞ KOMANDANA!
Zabitimizin ekstradisiya
edilərək azadlığa çıxarılmasında ona mənəvi dayaq durmaqla beynəlxalq miqyasda
müdafiəsini təşkil edən Heydər Əliyev Fondunun və onun prezidenti Mehriban xanım Əliyevanın
da fəaliyyəti ən yüksək qiymətə
və tərifə layiqdir!
Bu, dövlət
başçısı möhtərəm İlham
Əliyevin rəhbərliyi altında Azərbaycan
xalqının dünya erməniliyi üzərində
növbəti qələbəsidir!
Bu qələbənin təməli
Prezidentimizin müəllifi olduğu "hücum
diplomatiyası" konsepsiyası ilə qoyulub.
Bu qələbəyə ruh verən cənab İlham
Əliyevin beynəlxalq aləmdəki nüfuzu,
ölkəmizin iqtisadi cəhətdən
qüdrətlənməsi, Cənubi Qafqazın lideri dövlətinə çevrilməsidir!
Burada bir
prinsipial məqam da vardı!
AŞ PA-dakı çıxışda Qarabağdakı
hərbi əməliyyatlarda
iştirak edərək
dinc sakinlərin qırğınında əlinin
qana batmasından fəxrlə danışan
Robert Köçəryan;
Xocalı soyqırımının təşkilatçılarından
və ən fəal iştirakçılarından
olan Serj Sarkisyan;
Körpə uşaqların qətlində
iştirakını etiraf
edən Zori Balayan və digərləri azadlıqda
gəzib öz xalqlarının istismarı
hesabına şelləndikləri
bir vaxtda Azərbaycan zabiti tərbiyəsiz erməni dığasına görə
məhbəsdə çürüməli
deyildi!
Belə haqsızlığa yol vermək olmazdı!
AZƏRBAYCAN
PREZİDENTİ CƏNAB İLHAM ƏLİYEV BU ƏDALƏTSİZLİYİ
BÖYÜK MÜDRİKLİKLƏ ARADAN QALDIRDI!
Ramil Səfərov
Azərbaycana azad insan kimi qədəm
qoydu: Təyyarə limanında sərhədi keçən kimi Azərbaycan Respublikası
Prezidentinin onu ömürlük həbs cəzasından azad etməsi barədə sərəncamı səsləndirildi
və Azərbaycan vətəndaşının pasportu
təqdim olundu!
Prezidentimiz eyni prinsipiallıq və qətiyyətlə
ermənilərə böyük
zərbə vuran hərbçilərimiz Mübariz
İbrahimovun və Fərid Əhmədovun cənazələrinin ölkəmizə
qaytarılmasına ( murdar xislətlilər
meyitdən qisas almağa çalışırdılar)
nail oldu! Hər iki gənc ölümlərindən
sonra yüksək dövlət mükafatları
ilə təltif edilərək hörmət-izzətlə
dəfn edildi!
Bu diplomatik zərbədən
ermənilər çaxnaşmaya
düşərək yasa
batıblar!
Ermənistan prezidenti başını itirərək
dalbadal iclaslar çağırır!
Azərbaycana biabırcasına məğlub
olmuş Ermənistan prezidentinin və xarici işlər nazirinin istefası tələb olunur!
Hələ bu harasıdır!
Dünya erməniliyi Azərbaycan Prezidenti cənab İlham Əliyevdən çox "sürprizlər"
görəcəklər!
Azərbaycan diplomatik sahədə xeyli güclənib!
Azərbaycan iqtisadi cəhətdən sürətlə inkişaf
edib!
Azərbaycan hərbi nöqteyi-nəzərdən
Ermənistandan dəfələrlə
yüksəklərə qalxıb!
Azərbaycan düşünülmüş, hər cəhətdən ölçülüb-biçilmiş, xırda məqamına qədər hesablanmış
addımlar atır!
Azərbaycan "diplomatik şapalaqlar" ustasına
çevrilib!
Bu gün Azərbaycanı bütün
sahələrdə uğurlara
qovuşduran onun Prezidenti, Ali Baş Komandanı, Azərbaycan xalqının və bütün Türk dünyasının sevimlisi
cənab İlham Əliyevdir!
XALQINI
SEVİNDİRƏN SEVİMLİ PREZİDENT!
P.S.
Deyirlər Serj Sarkisyandan sonra Ramil Səfərovun azadlığa çıxmasını
ABŞ-da eşidən bir nəfər də özünü pis hiss edib!
Hələ Fransada, başqa yerlərdə də özlərini pis hiss edənlər olacaq!
Görəsən bunlar necə demokratiya və insan azadlığının
tərəfdarlarıdırlar
ki,
bir nəfər qanunun aliliyi prinsipi pozulmadan azadlığa çıxanda
özlərini
pis
hiss edirlər?!
Məsələn, özləri terrorçuları
həbsdən buraxanda
(onlardan biri - Monte
Melkomyan əməllərinin əvəzi
olaraq cəzalandırılanda
və bundan sonra
Fransa vətəndaşına
Ermənistanın milli
qəhrəmanı adını
verib heykəl
qoyanda)
özünü pis
hiss edən olmadı!
Həftə səkkiz mən doqquz qondarma "siyasi məhbus" siyahısı tərtib edərək
filankəsi
azadlığa buraxın
deyənlər indi niyə azadlığa çıxanın daşını
ağır
hesab
edirlər?!
Sərhəd bölgəsində yaşayan günahsız azərbaycanlı uşaqlarını
erməni snayperləri
hədəfə çevirib
işıqlı dünyadan
məhrum edəndə
heç özünü
pis hiss edənlərin
səsi çıxmırdı!
Bu gün Azərbaycanın işğal altındakı
torpaqlarının narkobitkilərin
becərilmə plantasiyalarına
çevrilməsi, bir
milyon Azərbaycan vətəndaşının iyirmi
ildir məşəqqətli
məcburi köçkün
həyatı yaşaması
hələ heç kimi ürəkdən narahat etməyib!
Azərbaycan isə 11 sentyabr terrorundan narahat oldu, Əfqanıstanda müharibənin uzanmasından,
günahsız insanların
qırılmasından bu
gün də narahatdır! Həmin narahatlığı terrorizmə qarşı mübarizəyə verdiyi
dəstəklə, sülhyaradan
qüvvələrə fəzasını
açıb, müharibə
bölgəsinə sülhməramlı
qüvvələrini göndərməklə
ifadə edir.
Heç çörəyimizin
duzu yoxmuş!
"Eurovision" yarışmasında
da kim gəldisə, çörəyimizi
və mətbəximizi
təriflədi.
Amma qayıdanların bir qismi mətbuatda
nankorluq etdi.
Deyir sən öz yolunla get, qoy kim nə deyirsə desin!
Azərbaycan bildiyi, milli maraqlarına uyğun gələn yolla gedir!
Narahat olan isə
özü bilsin!
Azərbaycan.- 2012.- 4 sentyabr.- S.4.