Xarici İşlər Nazirliyində Azərbaycan-ATƏT əməkdaşlığı müzakirə olunmuşdur

Azərbaycan Respublikasının xarici işlər naziri Elmar Məmmədyarov ATƏT-in üzvü olan ölkələrin daimi nümayəndələri ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə Azərbaycan-ATƏT əməkdaşlığı, regiondakı vəziyyət və ölkəmizin üzləşdiyi problemlərlə bağlı fikir mübadiləsi aparılmışdır.

Qonaqların ölkəmizə səfərinin əhəmiyyətini vurğulayan E.Məmmədyarov Ermənistan-Azərbaycan, Dağlıq Qarabağ münaqişəsinin həlli istiqamətində aparılan danışıqların hazırkı vəziyyəti ilə bağlı ətraflı məlumat vermişdir. Nazir bildirmişdir ki, mövcud status-kvo təhlükəli və qəbuledilməzdir. Azərbaycanın işğal olunmuş ərazilərində Ermənistan silahlı qüvvələrinin mövcudluğu münaqişənin sülh yolu ilə həllinə ən böyük maneədir. Həmçinin münaqişənin həlli regionda təhlükəsizlik və əməkdaşlıq üçün mühüm əhəmiyyət kəsb edir.

Azərbaycan.-2012.- 12 sentyabr.- S.5.