K.Gürsoy: Türk xalqlarının fəlsəfə sahəsində əməkdaşlığının gücləndirilməsi vacibdir

Türk xalqlarının fəlsəfi fikir tarixində ümumi cəhətləri çox olduğundan bu sahədə əməkdaşlığın gücləndirilməsi vacibdir.

Bunu Bakıda keçirilən "Mədəniyyətlərin dialoqu şəraitində türk dünyasında fəlsəfi və mənəvi dəyərlər" mövzusunda beynəlxalq elmi konfransda iştirak etmək üçün ölkəmizə gəlmiş Türkiyənin Vatikandakı səfiri, tanınmış filosof Kənan Gürsoy AzərTAc-a müsahibəsində demişdir.

K.Gürsoy bildirmişdir ki, qloballaşma şəraitində bütün fəaliyyət sahələrində inteqrasiya prosesi getdiyi kimi, fəlsəfi tədqiqatlar sahəsində də fəaliyyətlərin əlaqələndirilməsi olduqca vacibdir. Lakin belə inteqrasiya, ilk növbədə, eyni fəlsəfi irsi bölüşən doğma xalqların aralarında getməlidir. Hazırda hər ölkə, hər xalq öz milli fəlsəfi fikir tarixini tədris edir, gənc nəsli məhz milli düşüncə ənənələri zəminində yetişdirməyə çalışır. Bu, həm də fəlsəfə tarixinə milli prizmadan yanaşmaq təşəbbüsüdür.

Azərbaycan.-2012.- 29 sentyabr.- S.5.