Şəhidlərin xatirəsi metronun «20 Yanvar» stansiyasında da yad edilmişdir

Ümumxalq hüzn günündə Bakı Metropoliteninin "20 Yanvar" stansiyasının üzərindəki 20 Yanvar dairəsində şəhidlərin xatirəsinə ucaldılmış abidə kompleksi də paytaxt sakinlərinin ziyarətgahına çevrilmişdir.

AzərTAc xəbər verir ki, Yasamal rayonunda fəaliyyət göstərən idarə və müəssisələrin kollektivləri, paytaxt ictimaiyyətinin nümayəndələri abidə kompleksinin önünə əklil qoymuş, gül düzmüş, şəhidlərin xatirəsini ehtiramla yad etmişlər.

Metronun "20 Yanvar" stansiyasının əməkdaşları stansiyada qərənfillərlə matəm kompozisiyası qurmuşlar. Metrodan istifadə edən insanlar kompozisiyanın qarşısında dayanaraq şəhidlərin xatirəsinə ehtiramlarını bildirmişlər.

Azərbaycan.- 2012.- 21 yanvar.- S. 3.