AŞ PA Ermənistan nümayəndə heyətinin müraciətini rədd etmişdir

Avropa Şurası Parlament Assambleyasının (AŞ PA) yanvarın 23-də Strasburqda keçirilən iclasında Ermənistanın bu təşkilatdakı nümayəndə heyətinin rəhbəri David Arutunyan Assambleyanın yeni seçilmiş sədri Jan-Klod Minyona müraciət etmişdir. O, yeni sədrdən Ermənistan-Azərbaycan, Dağlıq Qarabağ münaqişəsi üzrə AŞ PA-nın alt komitəsinin fəaliyyətinin dayandırılmasını xahiş etmişdir.

AzərTAc xəbər verir ki, yanvarın 24-də AŞ PA-nın Bürosu erməni nümayəndə heyətinin müraciətini nəzərə almamış və Dağlıq Qarabağ münaqişəsi üzrə alt komitənin fəaliyyətinin davam etdirilməsini məqsədəuyğun hesab etmişdir.

Azərbaycan.- 2012.- 25 yanvar.- S. 3.