AŞ PA bürosunda Ermənistan-Azərbaycan, Dağlıq Qarabağ münaqişəsi üzrə Alt Komitənin fəaliyyəti məsələsi müzakirə edilmişdir

Yanvarın 27-də Avropa Şurası Parlament Assambleyasının (AŞ PA) bürosu qurumun qış sessiyasının yekunlarını müzakirə etmişdir. Büroda həmçinin Ermənistan-Azərbaycan, Dağlıq Qarabağ münaqişəsi üzrə Alt Komitənin fəaliyyəti ətrafında da fikir mübadiləsi aparılmışdır.

Bu məsələ ilə əlaqədar AŞ PA sədri Jan-Klod Minyon demişdir: Büroda bu məsələ müzakirə olunmuş, Ermənistan-Azərbaycan, Dağlıq Qarabağ münaqişəsi üzrə Alt Komitənin fəaliyyətini dərhal qurmamaq şərtilə davam etdirmək barədə qərar verilmişdir. Bizə bu haqda hərtərəfli düşünmək üçün vaxt lazımdır. AŞ PA-nın aprel ayında keçiriləcək yaz sessiyasında Alt Komitənin gələcək fəaliyyətinə dair qərar vermək məqsədilə məsələyə yenidən baxılmasını büronun martın 9-da Parisdə keçiriləcək iclasında müzakirə edəcəyik. Alt Komitənin fəaliyyətinin yenidən qurulması və davam etdirilməsi bir imkan və variantdır. Bu, həm də yeganə variant deyildir. Digər variant da ola bilər. Dağlıq Qarabağ üzrə Alt Komitənin fəaliyyətini yenidən yaratmırıq və münaqişənin həll yolunun tapılması ilə ATƏT-in Minsk qrupu məşğul olur. Bunu dəqiq həll etmək vasitəsi üçün hələ ki elementlər yoxdur. Alt Komitənin fəaliyyəti ilə bağlı qeyd etdiyim kimi, martda bir daha müzakirə aparacağıq. Mən Ermənistan-Azərbaycan, Dağlıq Qarabağ münaqişəsi məsələsi ilə, orada baş verənlərlə yaxından məşğul olmaq niyyətindəyəm".

Əsgər ƏLİYEV,

AzərTAc-ın xüsusi müxbiri

Paris

Azərbaycan.- 2012.- 28 yanvar.- S. 1.