Azərbaycan Respublikasının Baş prokuroru Zakir Qaralov Ağstafada qərb rayonlarının sakinləri ilə görüşmüşdür

Azərbaycan Respublikasının Baş prokuroru Zakir Qaralov aprelin 5-də Ağstafa Rayon Prokurorluğunun binasında Ağstafa, Qazax, Tovuz, Şəmkir və Gədəbəy rayonlarının sakinləri ilə görüşmüşdür.

AzərTAc xəbər verir ki, görüşdən əvvəl mətbuata açıqlama verən Baş prokuror Z.Qaralov demişdir ki, belə görüşlərin keçirilməsi bölgə əhalisinin problemlərinin, rəylərinin və təkliflərinin öyrənilməsinə və onların operativ həllinə xidmət edir. Rayon əhalisinin problemləri yerindəcə öyrənilir və onların həlli istiqamətində məqsədyönlü işlər görülür.

Görüşdə Ağstafa, Qazax, Tovuz, Şəmkir və Gədəbəy rayonlarından 100-dən çox sakin iştirak etmişdir.

Baş prokuror vətəndaşların müraciətlərini, rəy və təkliflərini dinləmişdir. Sakinləri narahat edən bəzi problemlərin həlli ilə bağlı müvafiq tapşırıqlar verilmişdir.

Azərbaycan.- 2013.- 6 aprel.- S. 6.