Davos Forumunun Bakıda keçirilməsi Azərbaycanın dünya birliyi tərəfindən etibarlı tərəfdaş kimi qəbul olunmasını bir daha sübut etdi

"Davos Forumunun Bakıda keçirilməsi Azərbaycanın dünya birliyi tərəfindən etibarlı tərəfdaş kimi qəbul olunmasını bir daha sübut etdi".

Bu sözləri "Statoil - Azərbaycan" şirkətinin prezidenti Lars Troen Sorensen AzərTAc-a müsahibəsində demişdir.

Lars Troen Sorensen bildirmişdir ki, Dünya İqtisadi Forumu regionun gələcəyi ilə bağlı əsas çağırışların və imkanların dəyərləndirilməsi baxımından mühüm platforma olacaq, Cənubi Qafqazda və Mərkəzi Asiyada əməkdaşlığın və inteqrasiyanın inkişafına töhfə verəcəkdir. Bu baxımdan forumda dünyanın müxtəlif ölkələrinin hökumət rəhbərləri, vətəndaş cəmiyyəti təsisatları, qlobal və regional biznes liderləri daxil olmaqla, 200-dən artıq nümayəndənin iştirakı ilə sənaye, təbii sərvətlər, nəqliyyat, infrastruktur, kənd təsərrüfatı, dağ-mədən, maliyyə, telekommunikasiya sahələri ilə bağlı məsələlərin kompleks müzakirəsi olduqca müsbət haldır.

Azərbaycan.- 2013.- 9 aprel.- S. 4.