Dünya İqtisadi Forumunun Bakıda keçirilməsi çox mühüm hadisədir

"Dünya İqtisadi Forumunun Bakıda keçirilməsi çox mühüm hadisədir". Bu sözləri ukraynalı iş adamı İqor Yakovenko AzərTAc-a müsahibəsində demişdir.

Bakının artıq Cənubi Qafqazın və Orta Asiyanın biznes mərkəzinə çevrildiyini qeyd edən qonaq bildirmişdir ki, biz burada ABŞ-dan, Rusiyadan, Türkiyədən və Avropa ölkələrindən böyük şirkətlərin nümayəndələrini görürük. Bu, onu göstərir ki, Azərbaycan dünyada artıq özünün zəngin neft-qaz ehtiyatları ilə deyil, dinamik inkişaf edən iqtisadiyyatı, əlverişli biznes şəraiti, informasiya-kommunikasiya texnologiyaları sahəsində atdığı cəsarətli və mühüm addımları, gündən-günə gözəlləşən Bakı şəhəri ilə tanınmaqdadır.

Azərbaycan.- 2013.- 9 aprel.- S. 8.