Paskal Monye: “Fransa Dağlıq Qarabağın müstəqilliyini tanımır, bu ərazi suveren Azərbaycanın tərkib hissəsidir”

Fransanın Azərbaycandakı səfiri Paskal Monye jurnalistlərə müsahibəsində Fransa parlamentində Dağlıq Qarabağ ilə rəsmi dostluq qrupunun yaradılması barədə suala cavabında demişdir ki, Fransa Azərbaycanın suverenliyini və ərazi bütövlüyünü tanıyır.

Bu informasiyanın həqiqətə uyğun olmadığını bildirən P.Monye demişdir: "Bizim parlamentdə bəzi deputatlar bu təşəbbüslə çıxış etmişlər, lakin bu, rəsmi qrup deyildir, sadəcə, deputatların şəxsi təşəbbüsüdür. Fransada söz azadlığı var və bəzi deputatların belə təşəbbüsü ölkənin rəsmi mövqeyini əks etdirmir. Fransa suveren Azərbaycanın tərkib hissəsi olan Dağlıq Qarabağın müstəqilliyini tanımır və bu məsələdə mövqeyimiz dəyişməzdir".

AzərTAc

Azərbaycan.- 2013.- 9 aprel.- S. 10.